Klaatu Barada Nikto!

Þetta er búið að vera mjög næs jólafrí. Svona dæmigert jólafrí sem einkennist af aðgerðarleysi, myndaglápi, tölvuhangsi og kókdrykkju. Ég fékk fullt af góðum gjöfum, t.d nokkrar bækur um kvikmyndagerð, myndirnar Sódóma Reykjavík og Day The Earth Stood Still á dvd, nýjasta ópusið hans Hugleiks Dagssonar; Bjargið Okkur, nýju Harry Potter bókina og fleira hresst.


Einnig fékk ég myndina Santa Claus Conquers The Martians. Hana horfði ég á í gær. Án ef ein súrasta mynd sem ég hef séð. Myndin fjallar, eins og titillinn gefur til kynna, um marsbúa, græna marsbúa, sem ræna jólasveininum og fá hann til að hjálpa sér að láta börnunum á mars líða betur. Þessi mynd er vís til að valda varanlegum heilaskemmdum en ég er það skemmdur fyrir að hún hafði engin þannig áhrif á mig.

Ég mun birta annála yfir árið stuttu eftir áramót, meðal annars sérfærslur um árið í kvikmyndum og tónlist og svo færslu um hvað stóð upp úr þessu ári hjá mér. Þetta er allt saman í vinnslu.

Á meðan getiði skemmt ykkur við að lesa árslista Rjómans og topp 10 kvikmyndalista á metacritic. Árslistar Pitchfork og Stylus Magazine eru líka skemmtileg lesning.

Ef ég blogga ekki aftur fyrir áramót þá segi ég bara: Gleðilegt nýtt ár og takk fyrir það gamla!