Jólin eru Elegant

Haæ,

ég lauk prófum 17. des og hef verið í stanslausu partíhaldi og rugli síðan þá. Eða svona næstum því. Vúvú. Í dag verð ég samt í jólaundirbúningsveseni. Bla bla bla. Gaman gaman.

--------------------

Árið 2001 kom út myndin Ocean´s Eleven eftir Steven Soderbergh sem var endurgerð af samnefndri mynd frá 1960. Ólíkt flestum endurgerðum var OE ekki bara ótrúlega góð heldur var hún víst mun betri en upprunlega myndin sem ég sjálfur hef ekki séð en er að mér skilst frekar slöpp. Endurgerðir eru oftast gerðar einungis með gróðarsjónarmið í huga en OE var eitthvað meira en það að mínu mati. Þarna tók Soderbergh gamla og ekki sérlega góða mynd og betrumbætti hana sem er mjög sniðugt. Mér finnst allaveganna mjög sniðugt að taka eitthvað gallað og reyna að gera það aftur betur frekar en takað eitthvað sem virkaði fínt til að byrja með og fokka því upp. En nóg um það. Nú er komið út framhald af þessarri mynd sem nefnist Ocean´s Twelve. Að gera framhald af endurgerð er yfirleitt ekki sniðug hugmynd og flestir myndu eflaust klúðra því algjörlega en ekki Hr. Soderbergh. Hann hefur ekki bara gert góða framhaldsmynd heldur hefur hann gert framhaldsmynd sem er einfaldlega betri en fyrsta myndin. OT er hvorki mjög innihaldsrík eða merkileg en það skiptir engu máli þar sem hún á ekki að vera það. OT á bara að vera góð afþreying og það er hún svo sannarlega. Hiklaust með skemmtilegri myndum sem ég hef séð á þessu ári. Fyrir það fyrsta tekur hún sig ekki alvarlega og er ekki að reyna mikið að vera eitthvað meira en hún er. Afslappað andrúmsloft einkennir myndina og það kemur mjög vel út. Svo er hún bara einfaldlega “cool”. Til dæmis er æðisleg myndataka í myndinni. Soderbergh gerir mjög skemmtilega hluti með lýsingu, fókus og sjónarhorn. Hann er mjög mikið að leika sér með kvikmyndaformið og nýtir það til hins ýtrasta. Sannkallaður fagmaður þar á ferðinni. Svo eru leikararnir allir stórskemmtilegir. George Clooney, Brad Pitt, Matt Damon, Don Cheadle, Bernie Mac og allir þessir gaurar fara á kostum og mynda æðislegt teymi. Meira að segja Julia Roberts sleppur með skrekkin. Reyndar er ég smá saman búinn að komast að því að hún er bara ágætis leikkona. Jú hún hefur leikið í nokkrum rusl myndum eins og Sleeping With The Enemy, Stepmom, Runaway Bride og fleiri lélegum en þegar hún fær gott hlutverk í góðri mynd getur hún gert góða hluti. Til dæmis var hún alveg ágæt í myndum á borð við The Mexican, Full Frontal og Confessions of A Dangerous Mind. Annars er mjög fátt slæmt hægt að segja um þessa mynd. Hún er svosem ekki beint meistaraverk og kannski full mikið rugl á köflum auk þess sem hún teygir lopann soldið í seinni hlutann en yfir höfuð er mjög fátt að henni. Hún meikar náttúrlega engan sens en hún á heldur ekkert að gera það þannig að það er allt í fína lagi. Í stuttu máli: Ocean´s Twelve er snilldarafreying. Hún fær 78 af 100 í einkunn.

--------------------------

Annars er ég að hugsa um að herma eftir Pésa Beikon og gera einhvers konar lista yfir bestu plötur og lög ársins og jafnvel gera einhvers konar árssamantekt yfir árið í tónlist og jafnvel í kvikmyndum líka. Það kemur í ljós á næstunni. Á meðan skulu þið bara anda rólega.

---------------------------

Í nótt kláraði ég Lovestar og það er bara einfaldlega ein besta bók sem ég hef lesið. Hún er í senn bráðfyndin og skörp ádeila á nútímann og falleg og hugljúf ástarsaga. Mjög vel skrifuð bók og full af skemmtilegum pælingum og húmor. Mæli hiklaust með henni.

Þeinkjúverímödsj end æ bid jú adju.


Plötur:

Manic Street Preachers - Lifeblood(7/10)
Radiohead - OK Computer(11/10)
Radiohead - Pablo Honey(9/10)
Alice in Chains - Dirt
The Verve - A Storm In Heaven
Kraftwerk - Kraftwerk 1
Cream - The Very Best of Cream
Belle and Sebastian - Dear Catastrophe Waitress