Bloggety blogg

Bloggi bloggi bloggi...alltaf gaman að blogga. Jámm veriði öll blessuð og sæl. Mikið er tíminn fljótur að líða. Sumarið er barasta að verða búið og mér finnst það vart byrjað. Kannski af því að það hefur varla neitt gerst. Jú Hróarskelda var stuð og ég er búinn að fara í nokkur skemmtileg partí og átti góða verslóhelgi en annars er þetta búið að vera frekar slappt sumar og ég hef litlu komið í verk og búinn að vera að vinna í leiðinlegru vinnu. Sem betur fer aðeins vika eftir af henni.
Ég er allaveganna orðinn viss um það eftir þetta sumar að verkamannavinna er alls ekki minn tebolli. Bæði finnst mér hún einkar leiðinleg og óáhugaverð og ég sökka í henni. Ég hef bara alls ekki neitt verkvit og á erfitt með að einbeita mér að svona vinnu. Svo eru verkamenn líka fífl. Nei ég segi svona. Þeir eru örugglega fínir margir hverjir en það er samt fullt af fíflum líka og ég á litla samleið með þessu liði. T.d voru tveir smiðir sem ég var handlangari fyrir sem eru algjör fífl. Fordómafullir, karlrembur og svona gaurar sem hafa aldrei rangt fyrir sér og ef maður er með e-n mótþróa þá segja þeir bara "engan kjaft". Djöfull voru þetta pirrandi gaurar.

Ég hef ekki hugmynd um hvað ég get unnið við næst en ég ætla að reyna að finna mér e-ð sem er aaaaaaaaaaallt öðruvísi en verkamannavinna. Helst líka staður þar sem það er e-ð kvenfólk. Hingað til hef ég bara verið í vinnum þar sem allir starfsmennirnir eru karlkyns og það er bara ekki nógu gott. Of mikið testosterón fer bara illa með mann.

Annars var ég í partíi hjá honum Kristóferi sem var að halda upp á tvítugsafmælið sitt. Ég þakka Kristó fyrir gott partí og einnig var gaman að hitta allt Þingóliðið aftur og ætla ég mér að reyna að halda meira sambandi við þau í framtíðinni en ég hef gert undanfarið. Þetta er bara ágætt fólk að mörgu leyti. Mér var illa við sumt af þessu liði á tímabili og fékk leið á þeim en þau hafa greinilega þroskast og ég líka. Lengi lifi Þingó! :D Annars lærði ég í þessu partíi að Geiri og áfengi fara ekki vel saman, Kristó á frænda sem lítur út eins og Jónsi í Svörtum fötum og að Eddie Murphy samdi eitt mjög skemmtilegt lag á 9. áratugnum sem fjallar um að setja hluti upp í afturendann.

hmmm já ætli ég segi þetta ekki bara gott núna. Eða hvað ? Jújú. Eða nei. Eitt enn. Ég ætla núna að byrja að lista einstök lög sem ég er að fíla og kvóta jafnvel stundum í þau(frumlegt ha ?).

Lög sem rokka:

Elbow - Any Day Now

"Got a lot of spare time. Some of my youth and all of my sense on overdrive."

!!! - The Step

"I said when are we done ?(held ég)"

Ratatat - Crips

Hot Hot Heat - Naked In The City Again

"Says she´s got it all...i don´t wanna be the one to tell her that she doesn´t"

Mínus - The Long Face

"I cry for the attention"

TV On The Radio - Ambulance

"I will be your accident if you will be my ambulance"

Yeah Yeah Yeah´s - Maps

"Wait, they don´t love you like i love you"

Megas - Þóttú gleymir guði

"Þótt þú gleymir guði, þá gleymir guð ekki þér"

Black Albino Straight From Alabama

Síðasta föstudag fór ég á hina merku mynd Michaels Moore "Fahrenheit 9/11". Myndin var auðvitað ansi hreint mögnuð og alveg bráðskemmtileg og skilur auk þess mikið eftir sig. Þetta er mynd sem maður pælir í í marga daga eftir á og má með sanni kalla hana mikilvæga. Mér finnst að allir eigi að sjá þessa mynd þar sem hún fjallar um virkilega mikilvæg málefni á skemmtilegan en um leið fræðandi máta. Auðvitað er þessi mynd hreinn áróður. Michael Moore er mjög vinstrisinnaður maður sem er á móti Bush og írak stríðinu og þessi mynd er eiginlega bara gerð til þess að færa góð rök fyrir því að Bush sé ekki hæfur til að vera forseti og að Íraksstríðið hafi verið rangt og hvað er að því ? Það má vissulega deila um þessi efni en Moore er mjög fastur á sínum skoðunum og vill sannfæra sem flesta um að hann hafi rétt fyrir sér. Hann er ekki að neyða fólk til þess, hann er bara að reyna opna augu fólks fyrir sannleikanum. Svo er spurning hvort þessi mynd muni hafa einhver áhrif á fólk sem fílar Bush og fannst stríðið vera réttlætanlegt. Fáfræði. fordómar og eiginhagsmunasemi manna í valdastöðum eru helstu vandamál samtímans og þau munu eflaust alltaf vera til staðar að einhverju leyti. Eflaust er enginn algjörlega laus við fordóma og eiginhagsmunasemi en það er samt alltaf gott að reyna að uppfræða fólk og leiða það á rétta braut og hvað er betri leið en að gera vinsæla bíómynd um merk málefni eins og þessi.

Sönn list gengur að mínu mati út að tjá tilfinningar sínar og skoðanir með beinum eða óbeinum hætti gegnum listina hvort sem það er kvikmyndalist, tónlist, myndlist eða einhver önnur list. Hún á að skemmta fólki, uppfræða það og/eða hafa áhrif á tilfinningar þess annars er hún lítils verð að mínu mati. Fahrenheit 9/11 reynir að gera allt þetta þrennt í einu og getur því talist mikið listaverk. Það er kannski eitthvað um "cheap shots" í henni og hún er kannski full mikið að reyna að spila með tilfinningar áhorfenda á köflum en yfir höfuð virkar hún nokkuð vel og vonandi mun hún verða til þess að Bush verði ekki endurkosinn og að sem flestir skipti um skoðun varðandi Íraksstríðið og Bush. Ég gef henni 70 af 100.

Í gær sá ég svo myndina Julien Donkey-Boy eftir Harmony Korine(Leikstjóri Gummo og handritshöfundur Kids). Myndin fjallar í stuttu máli um mjög svo ruglaða fjölskyldu og aðalpersónan er eldri sonurinn sem heitir Julien og er hann með geðklofa. Eflaust er þetta raunsæasta lýsing á geðklofa sem ég hef séð í mynd og Ewen Bremner(Spud í Trainspotting) er alveg ótrúlega góður í þessu hlutverki. Meðal annara leikarar eru Chloe Sevigny(Boys Don´t Cry, American Psycho) sem leikur systur hans og kvikmyndaleikstjórinn Werner Herzog sem leikur föður hans. Svo koma fyrir í þessarri mynd handlaus trommari og svartur albínói og eitthvað af þroskaheftu og einhverfu fólki og myndin virkar á mann eins og hálfgert freak show á köflum en Harmony tekst þó að sýna þau sem manneskjur en ekki sem einhver frík og á hann skilið hrós fyrir það. Annars er þetta alveg ótrúlega sérstök mynd í henni. Hún skapar mjög sérstakt og óvenjulegt andrúmsloft og er ólík nokkru öðru sem maður hefur áður séð(nema þá kannski Gummo). Myndin er smá tíma að koma sér af stað, það er oft erfitt að átta sig á hvað er að gerast í henni og hún er alveg rosalega arty-farty á köflum en annars er þetta mikið listaverk og verður betri í minningunni og langar mig að sjá hana aftur til að reyna að skilja hana betur. Líklega er þó pointið með myndinni það að sýna að þótt að jafnvel mestu "fríkin" í þessum heimi eru samt menn eins og við hin og innsti inni ekki svo ólík okkur hinum. Myndin fær 67 af 100 hjá mér en sú einkunn er líkleg til að hækka þegar ég sé hana aftur.

Ætli þetta sé ekki nóg í bili. Ég kveð að sinni og þakka fyrir mig.

Plötur:

!!! - Louden Up Now
Ratatat - Ratatat
Death Cab For Cutie - The Photo Album
TV On The Radio - Desperate Youth, Blood Thirsty Babes
Hot Hot Heat - Make Up The Breakdown

Myndir

Trainspotting(72)
Henry Fool(84)
Along Came Polly(43)
My Life Without Me(73)
Drugstore Cowboy(72)
Total Recall(84)
Shaun Of The Dead(58)