Fokk

Bloggvikan hefur officially klúðrast.

Leiðinleg dagbókarfærsla

Krizzi hefði ekki getað valið verri viku. Ég er búinn að vera að vesenast í allan dag og það stefnir í aðra ömurlega bloggfærslu því ég er þreyttur og varla í skapi til að blogga.

Áðan hjálpaði ég bróður mínum á upptökur á myndefni sem á að nota í eitthvað kynningarmyndband fyrir Carlsberg. Þetta var semsagt eitthvað fínt matarboð á Hótel Borg þar sem starfsfólk frá hinum og þessum veitingastöðum, að ég held, mætti til að hlusta á bjórsérfræðinga frá Carlsberg talar um bjór. Ég held ég hafi aldrei heyrt neinn tala jafn heimspekilega og fræðilega um bjór og einn gaurinn sem er víst aðalbruggarinn þeirra. Hann hlýtur að vera með mastersgráðu í bjórfræði eða eitthvað. Ég man ekki nákvæmlega hvað hann sagði en það var afskaplega leiðinlegt. Svo tókst honum að velta borðinu um koll og hellti niður fullt af bjór, það var fyndið. Var þetta ekki áhugavert? Ég held að þessi bloggfærsla stefni í að vera leiðinlegri og innihaldslausari en sú síðasta enda er ég að blogga af skyldurækni og það á maður ekki að gera. Nema þegar það er skorað á mann.

Ég er líklega að fara á Hróarskeldu í ár. Þetta verður fjórða skiptið mitt og kannski það síðasta, allaveganna í bili. Til þessa er búið að tilkynna nokkur fín bönd og tónlistarmenn, t.d. The Arcade Fire, The Who, Beastie Boys og Björk. Ég er samt mest að vonast eftir því að Radiohead, !!!, Deerhoof, Of Montreal, Modest Mouse, Smashing Pumpkins og/eða LCD Soundsystem verði í ár. Helst öll þessi bönd. Það væri líka gaman að sjá Belle & Sebastian og Sonic Youth aftur.


Bla bla bla. Ég er þreyttur og nenni þessu ekki. Kannski koma geðveikar færslur um helgina. Kannski ekki. En ég fæ allaveganna tölvuna mína aftur á morgun. Jibbí!

Timothy Dalton er gamall kall

Færsla nr. 3 í bloggvikunni.


Krizzi: Þú valdir slæma viku sem bloggviku, ég er frekar hugmyndasnauður þegar kemur að bloggi þessa vikuna. Ég gerði enga merka uppgötvun í dag sem ég get deilt með ykkur. Eina sem mér dettur í hug er að telja upp afmælisbörn dagsins í dag sem eru Gary Oldman(49), Rosie O´Donnell(45), Matthew Broderick(45), Timothy Dalton(63), kvikmyndaleikstjórinn Russ Meyer heitinn(hefði orðið 85 ára) gamli fótboltakappinn Lothar Matthäus(46), Johann Sebastian Bach(257) tónskáldið Mussorgsky(168) og formúla 1 ökumaðurinn Ayrton Senna heitinn(hefði orðið 47 ára). Gaman að því.

Næsta blogg kemur eftir miðnætti á morgun þar sem ég verð upptekinn allan daginn. Vonandi verður mér búið að detta eitthvað sniðugt í hug þá til að bæta upp fyrir þessa ömurlegu afsökun fyrir bloggfærslu.

Sonur Lee Marvin?

Jæja...strax búinn að fokka upp bloggvikunni þar sem ég er að skrifa þetta eftir miðnætti...en samt ekki. Dagurinn byrjar þegar ég vakna og er búinn þegar ég fer að sofa og því er ennþá þriðjudagur fyrir mér. Allaveganna.

Svo ég valdi Krizza ekki vonbrigðum þá verð ég að blogga daglega þessa viku en í augnablikinu er ég frekar tómur. Jú mér var að detta eitt skemmtilegt í hug. Ég var að læra svolítið skemmtilegt í dag. Það eru til samtök sem heita "Sons of Lee Marvin" og meðal meðlima í þeim samtökum eru snillingar á borð við Jim Jarmusch, Tom Waits, Mickey Rourke, Nick Cave, Iggy Pop, Neil Young og Thurston Moore. Allir þessir menn geta talist í flokki svölustu núlifandi manna, jafnvel allra tíma, og því er ég ekki frá því að þetta séu ein allra svölustu samtök sem ég hef heyrt um. Til þess að geta talist meðlimur verður maður að svipa til Lee Marvin á einhvern hátt í útliti og því mögulega geta verið sonur hans. Raunverulegur sonur hans er víst ekki mjög sáttur við þetta. Starf samtakanna felst í því að hittast öðru hvoru og horfa á myndir með Lee Marvin. Spurning með að sækja um? Veit samt ekki hversu líkur Lee Marvin ég er(ég myndi setja myndir til að bera saman en tölvan mín er í viðgerð þannig að ég hef ekki aðgang að mynd sem stendur, er að blogga úr tölvu foreldra minna). Er ég eitthvað líkur honum á einhvern hátt?

Icy Spicy Vala Matt

Bloggvikan er hafin!

Ég ætla að flytja ykkur gleðitíðindi. Leoncie og Vala Matt eiga afmæli í dag og eru báðar 54 ára! Leyndardómnum um aldur Leoncie hefur verið uppljóstrað þökk sé fréttablaðinu! Jibbí! Ég legg til þess að allir hlusti á eins og eitt lag með Leoncie í tilefni dagsins og segi síðan nástöddum aðila að hann/hún búi í gasalega lekkert íbúð/húsi.

Þess má til gamans geta að Leoncie er með háskólagráðu í enskum bókmenntum.

Leoncie, yndi okkar allra.

Le cinema 2007

Jæja gott fólk, ég veit að árið er löngu byrjað en ég ætla engu að síður að skella á ykkur léttu preview fyrir kvikmyndaárið 2007. Ég miða líka við myndir sem eru gefnar út í heimalandi sínu(eða USA) árið 2007 og ennþá erum við aðallega að fá 2006 myndir og 2007 myndirnar sem hafa komið eru aðallega rusl eins og Epic Movie og Norbit. Fyrst kem ég með þær 20 myndir sem ég er hvað spenntastur fyrir(í semi-röð) og síðan nokkrir fleiri áhugaverðir titlar.

Fyrst langar mig þó að minnast á nokkra 2006 myndir sem hafa ekki ratað til landsins ennþá. Helst bara að nefna nýjasta verk meistara David Lynch, Inland Empire, en sú mynd verður að öllum líkindum frumsýnd hérna í næsta mánuði þannig að það er ekki löng bið. Dómarnir sem hún hefur fengið eru eilítið misjafnir en að mestu jákvæðir og mestu aðdáendu Lynch virðast nokkuð sáttir með hana. Hiklaust must-see fyrir allar kvikmyndaunnendur. Önnur mynd sem ég bíð spenntur eftir er The Host, kóresk skrímslamynd sem lýst hefur verið sem blöndu af Jurrasic Park og Jaws með smá samfélagsádeilu hent inn í. Þessi mynd sló víst einhver aðsóknarmet í heimalandi sínu og er fá alveg hreint glimrandi dóma. Vona ég að hún muni rata í kvikmyndahús hér á landi sem fyrst en eflaust mun ég enda á því að leigja hana í Laugarásvídeó eða eitthvað áður en það gerist.

En víkjum okkur að 2007

20. Diary of The Dead Nýjast mynd meistara George A. Romero og sú fimmta í ...of the dead seríunni. Þessi fjallar um unga kvikmyndanema sem eru að gera ódýra hryllingsmynd og lenda í því að berjast við uppvakninga við tökur. Skemmtilega póstmódernísk hugmynd og Romero ætti varla að bregðast manni, Land Of The Dead sýndi allaveganna að það er ennþá líf í kallinum.

19. Sunshine Þetta er nýjasta mynd Danny Boyle, leikstjóra Trainspotting og 28 Days Later, og fjallar um geimför kringum árið 2050 til að endurlífga sólina sem er að deyja út. Boyle hefur hingað til gert athyglisverðar myndir og hefur sýnt mikla fjölbreytni auk þess, hefur gert m.a. barnamynd, neo-noir mynd og screwball gamanmynd og hefur yfirleitt tekist ágætlega hjá honum(eina Boyle myndin hingað til sem var ekki að gera sig er The Beach). Þessi ætti að vera áhugaverð að minnsta kosti.

18. Ocean´s Thirteen Sumir myndu segja að þetta sé að verða svolítið þreytt formúla en að mínu mati eru fyrstu tvær myndirnar með betri hreinum afþreyingarmyndum undanfarinna ára. Þær eru fyndnar og flottar og taka sig ekki vitunda alvarlega. Með sama teymi á bak við þessa held ég að þessi muni verða litlu síðri. Soderbergh er líka snillingur og hefur sjaldan brugðist bogalistin. Hann er vitaskuld bara að gera þessar myndir svo hann fái peninga til að gera aðrar persónulegri myndir en hann hefur engu að síður vit til að gera þær ekki af neinum hálfkæringi.

17. Sicko Nýjasta heimildarmynd Micheal Moore. Í þetta skipti tekur hann fyrir heilbrigðisbransann í USA. Þetta getur varla verið leiðinleg mynd.

16. Black Snake Moan Þessi mynd getur ekki verið annað en ofursvöl. Hún er með Samuel L. Jackson, Christina Ricci(Heitari en nokkru sinni fyrr) og Justin Timberlake og er leikstýrt af Craig Brewer sem gerði síðast hina ótrúlega góðu mynd Hustle and Flow. Ég þurfti bara að sjá plakatið til að vilja sjá myndina.

15. Sweeney Todd Kvikmyndun Tim Burton á þessum fræga söngleik með Johnny Depp, Helena Bonham Carter, Alan Rickman og Sacha Baron Cohen í aðalhlutverkum. Hljómar eins og uppskrift að góðri mynd. Ég hef reyndar ekki verið nógu sáttur með það sem Burton hefur verið að gera nýlega(Planet Of The Apes, Charlie and The Chocolate Factory) en hann sýndi þó með Corpse Bride að hann er ekki dauður í öllum æðum og þessi mynd virkar eins og klæðskerasaumuð fyrir hann.

14. I´m A Cyborg But That´s Ok Nýjasta mynd Chan-Wook Park(Old Boy, Sympathy For Lady Vengeance) og fjallar um unga konu sem heldur að hún sé vélmenni sem innritar sjálfa sig á geðspítala. Þarf ég að segja meira?

13. Rescue Dawn Fyrsta mynd Werner Herzog sem er að öllu leyti leikin í nokkur ár(og hans dýrasta mynd til þessa) og fjallar hún um mann(leikinn af Christian Bale) sem er tekinn til fanga í víetnam stríðinu og flýr síðan úr prísundinni. Byggð á sönnum atburðum(Herzog gerði heimildarmynd um manninn fyrir 10 árum). Myndin er fá mjög svo góða dóma og Herzog er einn af áhugaverðari leikstjórum kvikmyndasögunnar og því trúi ég ekki öðru en að hún verði góð.

12. Zwartboek Fyrsta mynd Paul Verhoeven í 7 ár og hans fyrsta hollenska mynd í 24 ár. Hún gerist í seinni heimsstyrjöldinni og er eflaust mjög persónuleg fyrir Verhoeven þar sem hann var aðeins ungur drengur á þessum tíma og hafði stríðið mikið áhrif á persónu hans. Myndin hefur fengið frábæra dóma og rakaði inn pening í Hollandi á síðasta ári. Verhoeven er einn af mínum uppáhalds leikstjórum og því get ég ekki verið annað en spenntur.

11. My Blueberry Nights Fyrsta mynd Wong Kar-Wai á ensku, með Jude Law, Tim Roth og Natalie Portman í aðalhlutverkum. Kar-Wai hefur líklega ekki fallið fyrir Hollywood maskínunni heldur virðist þetta vera nokkuð svipuð mynd og Hong Kong myndir hans nema bara að hún er á ensku. Vonandi verður sýn hans ekki "lost in translation".

10. Fay Grim Hal Hartley er hérna að gera framhald af mynd sem ég tel vera hans bestu, Henry Fool, og í þetta skipti er persóna Parker Posey úr þeirri mynd í brennidepli. Hartley er alltaf áhugaverður og er með yndislega súran stíl og þótt ég ætli ekki að búast við meistaraverki á borð við Henry Fool þá hef ég miklar væntingar til Fay Grim.

9. Be Kind Rewind Michel Gondry er hérna að leikstýra mynd eftir eigin handriti en hugmyndin er vægast sagt frumleg. Jack Black leikur mann sem verður segulvæddur í heilanum og tekst að eyðileggja allar dvd myndir í vídjóleigu einni. Til þess að halda dyggasta viðskiptavini leigunnar, sem er léttgeggjuð gömul kona, ánægðri verður hann og félagi hans að endurleika valin atriði úr eftirlætismyndum hennar, þ.á.m. Lion King og Robocop. Eflaust skemmtilegasta hugmynd að mynd síðan Being John Malkovich. Þessi má ekki vera léleg!

8. Margot At The Wedding Nýjasta mynd Noah Baumbach, sem gerði eina af bestu myndum ársins 2005; The Squid And The Whale, skrifaði handritið að The Life Aquatic With Steve Sizzou með Wes Anderson og leikstýrði líka einni af uppáhaldsmyndunum mínum; Kicking And Screaming(EKKI Will Ferrell myndin). Ég þarf bara að vita að hann sé að leikstýra myndinni til að vera spenntur, sama þótt hún sé um málningu að þorna í 90 mínútur.

7. Eastern Promises David Cronenberg er annar af mínum uppáhaldsleikstjórum og í þetta skipti er hann að gera einhvers konar njósnamynd með Viggo Mortensen og Naomi Watts í aðalhlutverkum. Svolítið öðruvísi en flest sem hann hefur gert áður en ég treysti honum.

6. The Darjeeling Limited Nýjasta mynd Wes Anderson með Owen Wilson, Jason Schwartzman, Adrien Brody og Natalie Portman. Hún fjallar um 3 bræður sem fara til Indlands í kjölfar dauða föður þeirra. Anderson hefur gert 3 meistarverk í röð, verða þau 4?

5. The Simpsons Movie Eftir mörg ár af orðrómum er Simpsons myndin loksins að verða að veruleika. Myndir gerðar eftir sjónvarpsþáttum eru sjaldan góðar en Simpsons mynd gæti verið öðruvísi þar sem þetta er ekki einhver venjulegur sitcom þáttur heldur ein helsta samfélagsádeila nútímans og eflaust margt hægt að gera í myndinni sem ekki væri hægt að gera almennilega í einum þætti.

4. No Country For Old Men Coen bræður voru ekki alveg að gera sig í síðustu tveim myndum sínum en ég trúi því ekki að þeir séu búnir að "missa það". Þetta var bara eitthvað lélegt tímabil hjá þeim. Þessi virkar töff, glæpamynd sem innheldur eiturlyf, peninga og fullt af líkum. Ekki ósvipað og Miller´s Crossing, besta mynd þeirra að mínu mati.

3. Zodiac Nýjasta mynd David Fincher fjallar um hinn alræmda Zodiac Killer en það mál hefur víst enn ekki verið leyst í dag, rúmum 30 árum eftir morðin. Eflaust eðalræma hér á ferð enda er ekki hægt að búast við öðru þegar David Fincher er við stjórnvölinn.

2. There Will Be Blood Paul Thomas Anderson með fyrstu mynd sína í 5 ár. Þessi maður gerði tvær myndir, Boogie Nights og Magnolia, sem að mínu mati eru 2 bestu myndir sem gerðar hafa verið. Í henni leikur Daniel Day Lewis athafnamann í olíubransanum í Texas á árdögum bransans. IMDB lýsir myndinni sem "A story about family, greed, religion, and oil". PTA er séní sem getur ekki gert slæma mynd.

1. Grindhouse Auðvitað fer nýjasta mynd Quentin Tarantino(og Robert Rodriguez) á toppinn. Maðurinn virðist gjörsamlega ófær um að gera mynd sem ég mun ekki elska og eftir að ég sá trailerinn þá datt hakan af mér og síðan sprakk í mér heilinn(og sá trailer samanstóð aðallega af Rodriguez hlutanum, Tarantino hlutinn er eflaust ennþá meira kúl). Þetta er mynd sem gengur bara út að vera kúl en ég held það sé ekki hægt að vera meira kúl en þessi mynd lítur út fyrir að vera. Robert Rodriguez hefur gert misgóðar myndir en eftir Sin City þá treysti ég honum til að gera svala mynd í þessum geira a.m.k.

Nokkrir aðrir titlar sem vert er að nefna: Hot Fuzz, Paranoid Park(Eftir Gus Van Sant, leikstjóra Drugstore Cowboy, My Own Private Idaho og Elephant), I´m Not There(Mynd um um Bob Dylan, það var talað um að 7 leikarar léku hann en samkvæmt IMDB leika þessir 7 leikarar persónur sem persónugera mismunandi þætti ævi og starfs tónlistarmannsins), Tishomingo Blues(eftir bók Elmore Leonard(Get Shorty, Out Of Sight og Jackie Brown eru allar eftir bókum hans)), Lust, Caution(nýjasta mynd Ang Lee(Crouching Tiger, Hidden Dragon og Brokeback Mountain), Mr. Magorium´s Wonder Emporium(fyrsta leikstjórnarvekefni Zach Helm, sem skrifaði Stranger Than Fiction), American Gangster(leikstýrð af Ridley Scott og með Denzel Washington og Russell Crowe í aðalhlutverkum), The Assassination of Jesse James by the Coward Robert Ford(Frá leikstjóra Chopper, Andrew Dominik, og með Brad Pitt í aðahlutverki), Across The Universe(söngvamynd sem gerist á hippatímanum og eingöngu með lögum eftir Bítlana), Cassandra´s Dream(Nýjasta mynd Woody Allen), Zavet(Nýjasta mynd Emir Kusturica), Aqua Teen Hunger Force Colon Move Film For Film Theaters(best titill síðan Snakes on a Plane), Beowulf(Margmilljón dollara Hollywood útgáfa af þessari frægu sögu með Angelinu Jolie, Anthony Hopkins, John Malkovich og Crispin Glover sem Grendel og í leikstjórn Robert Zemeckis(Back To The Future, Forrest Gump, Cast Away), Erik Nietzsche - De Unge år(nýjasta mynd Lars Von Trier) Smiley Face, Bee Movie, Live Free or Die Hard, Transformers, Pirates of The Carribean: At World´s End, Ratatouille, Shoot ´em up, Bratz: The Movie, I Am Legend, 28 Weeks Later, Lucky You, Knocked up, The Bourne Ultimatum, Teenage Mutant Ninja Turtles , Blades Of Glory og Spider-Man 3.

Ætli maður verði ekki að minnast síðan á Shrek The Third, Rush Hour 3 og Evan Almighty(Steve Carell mun eflaust brillera en þetta er frá sama leikstjóra og Bruce Almighty sem þýðir að þessi muni eflaust líka kafna í væmni og aulahúmor) þótt ég sé voða lítið spenntur fyrir þeim.

Svo má ekki gleyma Southland Tales en hana setti ég á toppinn í fyrra því hún hljómandi svo yndislega fáránleg(aðallega út af leikhópnum). Hún var síðan frumsýnd á kvikmyndahátíðinni í Cannes þar sem hún fékk vægast sagt hrikalegar viðtökur(greinilega bara fáránleg en ekki yndisleg á neinn hátt, a.m.k. að mati þeirra sem sáu hana á Cannes) og í kjölfarið hefur reynst erfiðlega að finna útgefanda og Richard Kelly hefur víst eytt mörgum mánuðum í að laga hana. Ég bind samt enn von við að myndin hafi eitthvað til síns brunns og tel að hún geti varla verið alslæm. Flestir gagnrýnendur hötuðu hana en þó var víst einn og einn sem fílaði hana, kannski er þetta bara misskilin snilld sem mun verða talin meistaraverk seinna meir. Eða ekki.

Svo eru nokkrir 2008 titlar komnir í ljós og ber þar helst að nefna Sin City 2, Indiana Jones 4 og The Dark Knight.

Vonandi höfðuð þið eitthvert gagn og gaman af þessu.