hmmm

hmmmmm.........

Moka skít ? I love it!

Jæja. Maður er búinn að vera helvíti hress í vinnunni undanfarið. Ég er búinn að vera að moka skít alveg á fullu. I love it! Annars er þessi vinna hjá garðyrkjudeild BYGG farin að venjast. Massinn og brúnkan eru smá saman að koma og svo fæ ég mín fyrstu laun þaðan á morgun. Svo við allan þennan skítmokstur er ég búinn að fá mörg tækifæri til þess að nota orðatiltæki eins og "good shit" og "þetta er nú meiri skítavinnan" og meina þau bókstaflega! Sem er bara ekkert nema cool. Síðan fann ég hjartalaga stein í dag. Ég ætlaði að taka hann með mér heim en asnaðist til að gleyma því. En ég get þó sagt að í smástund var ég með hjarta úr steini :). En núna ætla ég að sofa. Bless og takk fyrir.

Bö

Djöfull var fokking heitt í dag. Já svo eru Starsailor víst að koma hingað að halda tónleika. Djöfull ætla ég EKKI á þá tónleika. Aftur á móti er ég að fara á Pixies tónleika á morgun og finnst mér nokkuð líklegt að þeir verði algjör snilld. Annars stefnir í soldið langt sumar. Vinnudagarnir undanfarið eru búnir að vera langir og erfiðir og verða þeir það örruglega áfram en það mun þó líklega verða til þess að ég verð kannski kominn í smá form og með smá vöðva í lok sumarsins. Ekki að mig langi til að vera eitthvað vöðvatröll en það er samt örruglega ágætt að vera í smá formi. Þá hætti ég kannski að vera svona ógeðslega latur eins og ég er. Annars vona ég að Hróarskelduferðin verði ekki það eina skemmtilega sem gerist í sumar. Sumarið í fyrra var frekar leiðinlegt og ég vil ekki annað leiðinlegt sumar. Giv mí a fönn sömmer, plís.

Ég held það hafi verið aðeins of mikið af kommum í síðasta bloggi.

Jæja. Þá er maður bara orðinn stúdent. Tíminn er alveg fáránlega fljótur að líða og verður bara fljótari og fljótari að líða eftir því sem maður eldist. Mér finnst bara örstutt síðan ég var lítið busagimp og núna er ég bara orðinn stúdent. Nafni minn Bollason sagði í ræðunni við stúdentsathöfnina að honum fannst stúdentar alveg rosalega fullorðnir og stórir þegar hann var busi en núna finnst honum hann ekkert vera svo stór og fullorðinn þegar hann er orðinn stúdent sjálfur og er ég því sammála. Ég er kannski 20 ára en innra með mér líður mér eins og 8 ára stúlkubarni....eða eitthvað. Núna á ég að víst að vera fullorðinn og ábyrgur einstaklingur, tilbúinn að takast á við erfiðleika lífsins. En mér finnst ég ekkert sérlega tilbúinn til að takast á við erfiðleika lífsins. Ég hef samt þroskast mjög mikið á þessum fjórum árum sem ég var í MH. En ég var líka mjög óþroskaður þegar ég byrjaði þannig að ég ennþá langt eftir. Annars er þetta allt mjög afstætt. En já. Nenni ekki að tala um þetta lengur. Ég er líka kvefaður og með vindgang. Svo var ég að horfa á myndina Duplex og var hún hin ágætasta skemmtun en líka frekar ógeðsleg. Ben Stiller virðist ekki geta leikið í mynd án þess að lenda í alls kyns ógeðslegum hlutum eins og að fá ælu framan í sig, sprengja sjálfan sig og þurfa að blása lífi í gamla konu. Þetta er samt svona mynd sem skilur ekki neitt eftir sig. Ágæt skemmtun á meðan maður horfir á hana og svo bara púff. Hún er farinn eitthvað út í buskann. Ég gef henni tvær og hálfa stjörnu af fjórum. Takk fyrir mig og góða nótt.